ل سەر ناڤێ کۆلیژێ، ستافێ ئەکادیمی (مامۆستا)، و کارگێڕیا کۆلیژا پزیشکی ددان ل زانکۆیا دهۆک، ب گەرمی و ژ دل بخێرهاتنا هەوە بۆ کۆلیژا مە دکەم.

کۆلیژ ل سالا 2009ێ هاتیە دامەزراندن، و ئارمانجا وێ یا سەرەکی پێگەیاندن و دەرچواندنا پزیشکێن ددانە ب شارەزاییەکا بهێز یا تیۆری و کلینیکی. کۆلیژ ل دەستپێکێ وەک پشکەک ژ کۆلیژا پزیشکی هاتە ڤەکرن ب پرۆگرامەکێ خواندنێ یێ پێنج سالی کو هاوشێوەیێ بهێزترین و گرنگترین کۆلیژێن جیهانێ یە. ستافێ خواندنێ پێکدهێت ژ 25 ئەندامێن ستافێ ئەکادیمی و 30 فەرمانبەرێن کارگێڕی. سالانە زێدەتر ژ 80 قوتابیان د کۆلیژێ دا دهێنە وەرگرتن، و کۆملا گشتیا قوتابیان نێزیکی 300 قوتابیانە. ژ دەستپێکا دامەزراندنا کۆلیژێ و هەتا نوکە، زێدەتر ژ 120 قوتابیان دەرچووینە، و 8 قوتابیان باوەرنامەیا ماستەرێ ژ کۆلیژا مە ب دەست ڤهینایە. بۆ سالا نوو یا خواندنێ، کۆلیژێ 21 کورسی بۆ خواندنا ماستەرێ و 4 کورسی بۆ خواندنا دکتۆرایێ دابینکرینە.

ئێک ژ ئارمانجێن مە ئەوە کو پرۆگرامەکێ پەروەردەیی و فێرکاری پێشکێش بکەین کو تە بکەتە فێربوویەکێ بەردەوام د ژیانێ دا، د هەمان دەم دا شیانان بدەتە قوتابیێن کۆلیژێ بۆ تێگەهشتن و دابینکرنا پێدڤیاتیێن تەندروستی یێن جڤاکێ مە یێ بەردەوام د گوهۆڕینێ دا. ئەمرۆ پلان دکەین بۆ ئاڤاکرنا ژینگەکا ئەکادیمی کو تێدا فێرکاریا پزیشکی ددان، ڤەکۆلینێن زانستی، و چاڤدێريیا تەندروستیا دەڤ و ددانێن نەخۆشان پێکڤە و د ئێک دەم دا بهێنە ئەنجامدان، ب شێوازەکێ کو هەر ئێک ژ وان پەرەپێدانێ و نووکرنێ ب لایێ دی بدەت. ئەرکێ مە یە کو زانستێ بخەینە د خزمەتا پراکتیکا پزیشکی ددان دا ب ڕێگەکا داهێنەرانە، و ئەم شانازیێ ب وێ چەندێ دکەین کو کۆلیژ ب ئاستەکێ باش گەشە دکەت، چ د وارێ ئەکادیمی و ڤەکۆلینان دا یان د دەستکەفتێن دەرڤەی خواندنێ دا. ئەم بخۆددان دزانین کو خودانێن بهێزترین سەرمایەیێن مە نە، کو ئەو ژی مامۆستا و ستافێن مە یێن دڵسۆز و خودان حەز و ئارەزوون، یێن کو د ئامادەنە بۆ خۆگونجاندن، فێربوون و هەولدانا بەردەوام بۆ پێشخستنا کۆلیژێ و باشترکرنا ڕەوشا قوتابیان. ئەم پێگیریێ ب وێ چەندێ دکەین کو ببینە کۆلیژەکا نموونەیی د بواری پزیشکی ددان دا، کو تەرخانکری بیت بۆ باشترکرنا تەندروستیا خەلکێ باژێرێ دهۆکێ و دەڤەرێن دەوروبەر. ئەم پێکڤە دگەل سەرۆکاتیا زانکۆیێ کار دکەین بۆ دابینکرنا نووترین ئامادەکاری و ئامیرێن تەکنەلۆژی دا کو ببینە خودان تاقیگەهێن ڤەکۆلینێ یێن مۆدێرن، کلینیک و هۆلێن خواندنێ یێن سەردەم. مە ئەڤ بەشە ب باشترین ئامراز و خزمەتگۆزاری دیزاین کرینە دا کو پشتڕاست بین کو دشێین ڕووبڕووی ئالۆزی و ئاستەنگێن سەرەکی ببین د پێشکێشکرنا باشترین ئاستێ فێرکاریا پزیشکی ددان، ڤەکۆلینان، و خزمەتگوزاریێن تەندروستیا دەڤ و ددنان.

ئەز حەز دکەم بخێرهاتنا هەمی سەرەدانکەران بکەم بۆ گەڕیان د مالپەرێ مە یێ ئەلیکترۆنی دا و سەرەدانا کۆلیژا مە بکەن ژ نێزیک ڤە. ئەم ب توندی پشتگێریێ ل هەماهەنگی و سەرەدانێن زانکۆ و قوتابخانەیێن دی دکەین دا کو پێکڤە فێرببین و شارەزاییان ئالوگۆڕ بکەین. ئەگەر پێدڤیا هەوە ب هەر هاریکاریەک یان پێزانینەکا زێدەتر هەبیت، هیڤییە بێ دوودلی پەیوەندیێ ب مە ڤە بکەن. سوپاسیا گرنگیدانا هەوە ب کۆلیژا مە دکەم، و ب ڕاستی هیڤیدارم دەلیڤەیا هندێ هەبیت کو د پاشەڕۆژەکا نێزیک دا هەڤدو ببینین.