پشکا زانستێن بنەرەتی یێن پزیشکی ددان (Dental Basic Sciences Department)

پشکا زانستێن بنەرەتی یێن پزیشکی ددان چەندین پسپۆریێن پزیشکی یێن جۆراوجۆر ب خۆڤە دگریت، کو تێدا قوتابیێن کۆلیژا پزیشکی ددان زانستێن بنەرەتی یێن پزیشکی فێردبن، یێن کو د سێ سالێن دەستپێکێ یێن خواندنێ دا هاوتەریب و مل ب مل دگەل زانستێن دی یێن پزیشکی ددان دچن. زانستێن بنەرەتی یێن پزیشکی گەلەک فەرن بۆ بنیادنانا پەروەردەکا پزیشکی یا دروست، دا کو زانیاری و بنەمایەکێ بهێز بۆ پراکتیککرنا زانستێن پزیشکی و پزیشکی ددان بهێتە ئاڤاکرن.

د پێشەنگیا کارێ مە دا، ئەم د سالا ئێکێ دا بەرتەنگیا خۆ ددەینە سەر زانستێن بنەرەتی وەک: فیزیا، کیمیایا زیندی یا بنەرەتی (Biochemistry)، و بایۆلۆجی. پاشان ئەم قوتابیان ئاشنا دکەین ب زانستێن پزیشکی یێن مرۆڤی یێن سروشتی وەک: فسیۆلۆجی (Physiology)، ئەناتۆمی (Anatomy)، و شانەناسی (Histology)، کو هەمی بەشێن گشتی و یێن دەڤی ب خۆڤە دگرن. د قۆناغا دوماهیێ دا، ئەم زانیاریەکا پزیشکی یا گشتی ئاڤا دکەین دا کو هزروبيرەکێ پزیشکی یێ ئاقلمندانە گەشە بکەت و قوتابی وەک پزیشکەکێ ڕەفتارێ بکەت، ئەو ژی ب ڕێیا پێدانا ڤان بابەتان بە قوتابیان: پزیشکییا گشتی، نەشتەرگەريیا گشتی، نەخۆشیۆلۆجیا گشتی (Pathology)، دەرمانناسییا پزیشکی (Pharmacology)، و مایکرۆبایۆلۆجییا پزیشکی.

زانیاریێن مە هەمیشە د چڕکرینە ل سەر گرێدانا د ناڤبەرا زانستێن پزیشکی یێن گشتی/بناغەیی و زانستێن پزیشکی ددان دا. پشکا مە ژ لایێ سەرچاوەیێن مرۆڤی ڤە بەشەکێ ب لەز گەشەسەندوویێ کۆلیژێ یە، چونکی چەندین مامۆستایان د پسپۆریێن جۆراوجۆر یێن پزیشکی دا ب خۆڤە دگریت کو خودان بڕوانامەیێن ماستەر، دکتۆرا و بۆرد نین، و هندەک ژ وان پزیشکێن گشتی یێن مرۆڤی نە.

وانەیێن پراکتیکی پشکەکا گرنگن ژ پرۆسەیا فێربوونێ، کو تێدا تاقیگەهێن ب باشی بەرهەڤکری دهێنە بەكارئینان دا کو دەلیڤە بۆ قوتابیان هەبیت ب دەستێن خۆ کار بکەن، هەروەسا قوتابی دێ ئەزموونا پەیوەندی و سەرەدەريیا ڕاستەوخۆ دگەل نەخۆشان د نەخۆشخانەیێن فێرکاری دا ب دەست ڤەئینن.

دیتن (Vision): دیتنا مە ئەوە کو ئاستەکێ بلند یێ زانستێن بنەرەتی و گشتی یێن پزیشکی دابین بکەین دا کو ببیتە بناغەیەک بۆ پراکتیککرنا دروستا پزیشکی ددان.

پەیام (Mission): ئەم د چڕکرینە ل سەر پێدانا زانستێن بنەرەتی بۆ قوتابیێن پزیشکی ددان دا کو بشێن ب ڕێگەکا دروست سەرەدەريێ دگەل نەخۆشیێن جۆراوجۆر یێن ددانان بکەن ژ لایێ دەستنیشانکرن و چارەسەرکرنێ ڤە.

ئارمانج (Objectives):
١. شارەزابوونا قوتابیان ل سەر پێکهاتێن بنەرەتی یێن لەشی.
٢. بکارئینانا تاقیکردن و ڕێکارێن تاقیگەهی وەک ئامرازەک بۆ تێگەهشتنا ڕۆڵێ پزیشکییا تاقیگەهی، کو ئەڤە بۆ پێشخستنا پاشەڕۆژا ڤەکۆلینێن زانستی ژی گەلەک فەرە.
٣. ئاڕاستەکرنا قوتابیان بۆ تەشیکردنا ل ژێر مایکرۆسکۆپێ بۆ شانەیێن سروشتی و نەسرۆشتی یێن لەشی، دا کو وێنایەک ل دەڤ وان چێببیت کا چ گوهۆڕین د لەشێ مە دا ڕووددەن د دەمێ تووشبوون ب نەخۆشیان دا.
٤. ڕاهێنانا پزیشکی و پەیوەندیکردن دگەل نەخۆشان بۆ زانینا مێژووا نەخۆشیێ (History) و پشکنینا جەستەیی، کو ئەڤە پشکەکە ژ دەستنیشانکرن و بڕێڤەبرنا هەر پشکەکا پزیشکی.
٥. دەرمانناسی (Pharmacology) پشکەکا سەرەکی و فەرە ژ ڕاهێنانا پزیشکی دا کو تێکڕا و کارتێکرنا دەرمانێن جۆراوجۆر ل سەر لەشێ مرۆڤی بهێتە زانین.