نەشتەرگەريیا دەڤ و دەموشاڤ و شەویلکان (Oral Surgery)

نەشتەرگەريیا دەڤی پسپۆریەکا پزیشکی و پزیشکی ددانە کو تەرخانکرییە بۆ دەستنیشانکرن، چارەسەرکرنا نەشتەرگەری، و بڕێڤەبرنا نەخۆشی و تێکچوونێن دەموشاڤ و شەویلکان. ستافێ پشکا نەشتەرگەريیا دەڤی دهێنە ڕاهێنان بۆ چارەسەرکرنا زەبر و برینان (Trauma)، کێماسی و تێکچوونێن زگماکی و دەستکەفتی، هەوکردنێن دەموشاڤی، شێرپەنجەیێن سەر و ستۆری، زێدەباری ئەنجامدانا کێشانا ددانان، چاندنا ددانان (ئیمپلانت)، و بەنجکرن و تێخدانا پزیشکی ددان.

ئارمانجا سەرەکی یا پرۆگرامێ خواندنا بەکالۆریۆسێ ئەوە کو ڕاهێنانێن تیۆری و کلینیکی د نەشتەرگەريیا ڕۆتینی یا ددان و ڕەگ و دەوروبەرێن ددانی دا (dentoalveolar surgery) دابین بکەت، دگەل بڕێڤەبرنا ئەو نەخۆشێن کێشەیێن تەندروستی یێن ئالۆز هەی، بەنجا جهی (الموضعية) و هێمنکرن، و کۆنترۆلکرنا ئێشێ.

بنەمایێن ڕێبەر بۆ پرۆگرامێن مە پێکدهێن ژ: بەزەیی، ڕێزگرتن و پاراستنا کەرامەتا نەخۆشان، پێوەرێن بلند یێن ڕەوشتی، پێگیرییکرن ب پراکتیکا کلینیکی یا پشتبەستى ل سەر بەڵگەیێن زانستی، و نایاببوونا تەکنیکی د گشت بوارێن ڤێ پیشەیێ دا.

دیتن (Vision):

• ناساندنا مە ل سەر ئاستێ نێودەولەتی وەک پێشەنگەک د بوارێن فێرکرن، ڤەکۆلینێن زانستی، چاڤدێريیا نەخۆشان و پێشکێشکرنا خزمەتگوزاریان دا.
• بوون ب سەنتەرەکێ ناسراو ل سەر ئاستێ نێودەولەتی کو پێگیر بیت ب نایاببوونا ئەکادیمی و پیشەیی د زانستێن وێنەگرتنا کەلۆخ و دەموشاڤی، دەستنیشانکرنا دەڤی، نەخۆشیێن دەڤی (Oral Pathology)، و نەشتەرگەريیا دەڤ و دەموشاڤ و شەویلکان دا.

پەیام (Mission):

• ناوبانگبوونا مە ب فێرکاریا داهێنەرانە یا پزیشکی ددان، پێگیری ب هەمەجۆريیا کولتووری، دۆزینەوە، گواستنا زانیاریێن زانستی، خودانکرنا شارەزاییێن باڵا یێن دەرچوویێن مە، و بەرزترین ئاستێ چاڤدێری و خزمەتکرنا نەخۆشان.
• دابینکرنا فێرکرن و ڕاهێنانێن کوالیتی بەرز ب ڕێیا ئاڤاکرن، پاراستن، گونجاندن، بەلاڤکرن، و بکارئینانا زانیاریان د بوارێن وێنەگرتنا کەلۆخ و دەموشاڤی، نەشتەرگەريیا دەڤ و دەموشاڤ و شەویلکان، و نەخۆشی و پزیشکییا دەڤی دا.

ئارمانج (Objectives): دابینکرنا خواندنەکا بلند یا کوالیتی بەرز بۆ قوتابیێن خواندنا بلند کو ببیتە ئەگەرێ ب دەستڤەئینانا باوەرنامەیا بۆرد د نەشتەرگەريیا دەموشاڤ و شەویلکان دا، و جێبەجێکرنا ڤێ چەندێ د ژینگەکێ دا کو پشتگیرییا هزری و دەروونی یا پێدڤی دابین بکەت دا کو قوتابی ببیتە نەشتەرگەرەکێ خودان شارەزا و کارا. ل دوماهیا پرۆگرامی، پێدڤییە پزیشکێ نیشتەجێ (Resident):

١. شیانا هەڵسەنگاندن و بڕێڤەبرنا ئەو نەخۆشان هەبیت یێن کو کێشەیێن جۆراوجۆر یێن نەشتەرگەریێ هەی، ژ قۆناغێن بەری نەشتەرگەریێ تا پشتی نەشتەرگەریێ.

٢. تێگەهشتنەکا بنەرەتی بۆ فسیۆلۆجیا نەخۆشیان (Pathophysiology) و مێژوویا سروشتی یا حالەتێن نەشتەرگەریێ هەبیت، دگەل شارەزابوون د ڕێکارێن بنەرەتی یێن ژوورا نەشتەرگەریێ دا.

٣. خودان شارەزایی بیت د بڕێڤەبرنا نەخۆشێن نەشتەرگەریێ و گۆتنا بنەمایێن بڕێڤەبرنا نەخۆشان بۆ پزیشکێن نیشتەجێ یێن نوو و قوتابیان.

٤. شارەزاییەکا گشتگیر د نەخۆشیێن نەشتەرگەریێ دا هەبیت و ب شێوازەکێ گونجای وان زانیاریان د حالەتێن کلینیکی دا بکاربینیت.

٥. زانیاریەکا پراکتیکی د تخصصێن دی یێن نەشتەرگەریێ دا ب دەست ڤبئالینیت، و شیانا سەرپەرشتیکردن و ئاڕاستەکرنا بڕێڤەبرنا ئەو نەخۆشان هەبیت یێن د ڕەوشەکا مەترسیدار یان برینداریا دژوار دا بن.

٦. ئاگه‌هدارى نووترین ڤەکۆلین و بەڵگەنامەیێن نەشتەرگەريیا سەردەم بیت.

٧. نیشاندانا شارەزاییا تەکنیکی، بڕیاردانا کلینیکی یا دروست، و کۆنترۆلکرنەکا بهێز یا زانیاریێن نەشتەرگەریێ کو گونجای بن بۆ کارکرنا سەربەخۆ د بواری نەشتەرگەريیا دەموشاڤ و شەویلکان دا.

٨. هەبوونا ئاستێ پێدڤی یێ زانیاری و شارەزاییێن تەکنیکی بۆ سەرکەفتن د تاقیکردنێن بۆردا ئەمریکی یا نەشتەرگەريیا دەڤ و دەموشاڤ و شەویلکان دا (AAOMS).