پشکا ڕاستکرنا ددانان، پزیشکی ددان یا زارۆکان و پاراستنێ (P.O.P)

پەیڤا (P.O.P) کورتکرنا (Pedodontics, Orthodontics, and Preventive Dentistry) یە، کو ئێکە ژ پشکێن زانستی یێن کۆلیژا پزیشکی ددان و ئەڤ پشکە ل سالا ٢٠١٤ێ هاتیە ڤەکرن.

ئەڤ بەشە کۆرسێن خواندنێ ل سەر چەمکێن ڕاستکرنا ددانان (تەقویم)، پزیشکی ددان یا زارۆکان، و پزیشکی ددان یا پاراستنێ پێشکێش دکەت. هەروەسا بابەتێن گرێدایی ب فسیۆلۆجیا سیستەمێ دەڤی ژ ناڤبەرا تێکچوونێن جۆراوجۆر یێن گەستنێ (سوء الإطباق) ب خۆڤە دگێڕیت، و د هەمی یەکەیێن گۆتنەوەیا وانەکان دا ڕەچاویا پێوەرێن جوانیێ (الجمالية) دهێتە کرن. د هەمان دەم دا، دەربارەی پزیشکی ددان یا زارۆکان و پاراستنێ، ئەڤ بەشە فێربوونا تیۆری و پراکتیکی ل سەر ڕێگەیێن جۆراوجۆر بۆ ڕێگریگرتن ژ نەخۆشیێن دەڤی، باشترکرنا پاقژیا دەڤی، و چارەسەرکرنا کلۆربوونا ددانێن شیری و یێن هەمیشەیی ب بەکارئینانا کەرەستەیێن جۆراوجۆر یێن پڕکرنێ پێشکێش دکەت، زێدەباری چارەسەرکرنا برین و زەبرێن جۆراوجۆر یێن ددانان (إصابات الأسنان). هەروەسا ئەڤ پشکە کار دکەت ل سەر پێشخستنا شارەزاییێن پێدڤی بۆ قوتابیێن بەکالۆریۆسێ (BDS) و ماستەرێ (M.Sc.) ب ڕێیا بجهئینانا داخوازیێن پزیشکی ددان یێن پڕۆگرامێ خواندنێ.

پەیام (Mission):

• نایاببوون د پرۆگرامێن پەروەردەیی دا کو ئاستەکێ بلند یێ ڕاهێنانا کلینیکی بۆ قوتابیێن بەکالۆریۆسێ و خواندنا بلند دابین دکەت.
• ئەنجامدانا ڤەکۆلینێن گەلەک داهێنەرانە کو کارتێکرنەکا دیار ل سەر پێشخستنا زانستێ ددانان هەبیت.
• هاندن و پێشخستنا شارەزاییێن دەرچوویان.
• ناساندنا پێوەرێن بلند یێن ئەکادیمی یێن بەشی ل سەر ئاستێ دەڤەرێ و نێودەولەتی.
• بوون ب سەنتەرەکێ ئەکادیمی و کلینیکی یێ باوەرپێکری بۆ چاڤدێريیا تەندروستيا دەڤ و ددانان، بۆ چارەسەرکرنا کێشەیێن پڕکرنێ، ناڕێکییا ڕیزبوونا ددانان (سوء الإطباق)، قەرەبالغیا ددانان و کێشەیێن تەندروستيا دەڤی.

دیتن (Vision): پشکا (P.O.P) پسپۆریێن ڕاستکرنا ددانان، تەندروستیا گشتی یا ددانان، و پزیشکی ددان یا زارۆکان و پاراستنێ ب خۆڤە دگریت. ئارمانجا بەشی چاڤدێریکردنا پێشکەفتی یا زارۆکێن خودان پێدڤیاتیێن تایبەتە و پشکداریکردنە د بلندکرنا ئاستێ تەندروستیا دەڤ و ددانان د ناڤ جڤاکی دا.

ئارمانجێن ڤێ پشکێ (P.O.P):
١. بەرهەڤکرنا قوتابیان ب زانیاریێن زانستی یێن پێدڤی.
٢. بلندکرنا ئاستێ پێوەرێن خواندنا بەکالۆریۆسێ و خواندنا بلند (ماستەر و دکتۆرا).
٣. گرێدانا پەیوەندیان دگەل زانکۆیێن دی چ ل سەر ئاستێ نیشتمانی یان نێودەولەتی.
٤. پێشخستنا شارەزاییێن ڤەکۆلین و گۆتنا وانەیان بۆ ئەندامێن ستافێ کۆلیژێ.
٥. پێگەیاندن و بەرهەڤکرنا ستافێ مامۆستایان ژ هەڵگرانی بڕوانامەیێن بلند.